അവാര്ഡുകളും നേട്ടങ്ങളും
വെള്ളൂർ ഗ്രാമപഞ്ചായത്തിന്റെ പ്രധാന നേട്ടങ്ങൾ
ജനകീയ വികസനത്തിനും മികച്ച ഭരണനിർവഹണത്തിനും മുന്നിരയിലുള്ള വെള്ളൂർ ഗ്രാമപഞ്ചായത്ത് വിവിധ മേഖലകളിൽ ശ്രദ്ധേയമായ നേട്ടങ്ങൾ കൈവരിച്ചിരിക്കുന്നു.
2020-ൽ ശുചിത്വ പദവി നേടി ശുചിത്വ പരിപാലനത്തിലും പൊതുജനാരോഗ്യ സംരക്ഷണത്തിലും മികവ് തെളിയിച്ചു.
2020–21 സാമ്പത്തിക വർഷത്തിൽ പട്ടികവർഗ്ഗ കുടുംബങ്ങൾക്ക് ഏറ്റവും കൂടുതൽ തൊഴിൽദിനങ്ങൾ നൽകിയതിന് കടുത്തുരുത്തി ബ്ലോക്കില് നിന്നുള്ള അംഗീകാരം നേടി.
2020–21 സാമ്പത്തിക വർഷത്തിൽ വികസന ഫണ്ട് 100% വിനിയോഗിച്ച് കാര്യക്ഷമമായ പദ്ധതിയാസൂത്രണത്തിന്റെയും സാമ്പത്തിക മാനേജ്മെന്റിന്റെയും മാതൃകയായി.
2021–22 വർഷത്തിൽ മഹാത്മാഗാന്ധി ദേശീയ ഗ്രാമീണ തൊഴിലുറപ്പ് പദ്ധതിയുടെ (MGNREGS) മികച്ച നിർവഹണത്തിന് ബ്ലോക്ക് തല അംഗീകാരം നേടി.
2024-ലെ കേരളോത്സവത്തിൽ ബ്ലോക്ക് തല ഓവറോൾ ചാമ്പ്യൻഷിപ്പ് കരസ്ഥമാക്കി കലാ-കായിക മേഖലകളിലെ മികവ് തെളിയിച്ചു.
2025-ൽ മികച്ച പൊതുവിടത്തിനുള്ള ബ്ലോക്ക് തല പുരസ്കാരം വെള്ളൂർ ഗ്രാമപഞ്ചായത്തിലെ തട്ടാവേലി സ്വന്തമാക്കി, പൊതുസ്ഥലങ്ങളുടെ സംരക്ഷണത്തിലും സൗന്ദര്യവൽക്കരണത്തിലും പഞ്ചായത്തിന്റെ പ്രതിബദ്ധത അടിവരയിട്ടു.
സമഗ്ര വികസനം, കാര്യക്ഷമമായ ഭരണനിർവഹണം, ജനപങ്കാളിത്തം എന്നിവയുടെ കരുത്തിലാണ് വെള്ളൂർ ഗ്രാമപഞ്ചായത്ത് ഈ നേട്ടങ്ങൾ കൈവരിച്ചിരിക്കുന്നത്.
ISO 9001:2015 സർട്ടിഫിക്കേഷൻ
സേവനങ്ങളുടെ ഗുണനിലവാരം ഉറപ്പാക്കുന്നതിനായി അന്താരാഷ്ട്ര അംഗീകാരമായ ISO 9001:2015 സർട്ടിഫിക്കേഷൻ ഗ്രാമപഞ്ചായത്ത് സ്വന്തമാക്കിയിട്ടുണ്ട്. കേരള ഇൻസ്റ്റിറ്റ്യൂട്ട് ഓഫ് ലോക്കൽ അഡ്മിനിസ്ട്രേഷൻ (KILA) മുഖേന തദ്ദേശ സ്വയംഭരണ സ്ഥാപനങ്ങളുടെ സേവനങ്ങൾ കൂടുതൽ കാര്യക്ഷമവും ജനസൗഹൃദവുമാക്കുന്നതിനായി നടപ്പിലാക്കിയ പദ്ധതിയുടെ ഭാഗമായാണ് പഞ്ചായത്തിന് ഈ അംഗീകാരം ലഭിച്ചത്.
സർട്ടിഫിക്കേഷന്റെ പ്രധാന നേട്ടങ്ങൾ
- മെച്ചപ്പെട്ടതും വേഗത്തിലുള്ളതുമായ സേവന വിതരണം
- ഫയൽ നീക്കത്തിലെ കൃത്യതയും കാര്യക്ഷമതയും
- അപേക്ഷകൾക്ക് സമയബന്ധിതമായ പ്രതികരണം
- പൗര സേവനങ്ങളിൽ സുതാര്യതയും ഉത്തരവാദിത്തവും
- ഡിജിറ്റൽ റെക്കോർഡ് സംവിധാനത്തിലൂടെ വേഗത്തിലുള്ള വിവര ലഭ്യത
- സമഗ്ര പൗരസര്വ്വേകള്
